Sykkelturen gjennom Hå byr på naturopplevingar i eit ope og variert landskap; frå langstrakte marker og heier dekt i gras og lyng, forbi levande landbruk med kyr og sauer, til vakre strender med surfing og badeliv.
I Hå kan du og smake lokal mat på spisestader, kafear og gardsutsal.

Turtips

Viss du overnatter på Holmavatn kan det passe fint å starte dagen med ein gåtur til Steinkjerringa og Synesvarden. Her er det storslått utsikt, og du får sjå restar av hei- og lynglandskapet som før dekka store delar av Jæren.

På sykkel gjennom Hå er det populært å ta avstikkaren ned til Varhaug gamle kyrkjegard, og nyta ro og høg himmel ved Varhaug kapell. Lenger sør i Hå passar det godt å ta ein liten avstikkar ut til Friluftsfyret Kvassheim.